超超A貨

我們的祖國，就是有這些令人哭笑不得的事。

前陣子到深圳去買東西，我的友人被委託去買一個“A”貨的手袋回香港。我也湊熱鬧的去看看。好，相信要為未做過此等事的朋友作個說明，“A”貨者，老翻也。但相信大部份香港人對於我國能出此高增值的貨品已常有所聞，不值一哂。以下是伙記與友人對話的節錄，讓我感到中國人的手藝高超，令人歎為觀止﹕

友人﹕有冇呢個款呀？

伙記﹕有。

友人﹕上次你賣俾我個袋，個catalog都無既，我帶埋黎換。

伙記﹕有既，你check真d啦！

友人﹕無呀，check過啦，唔通你地係意大利最新款，連香港都未有？

伙記﹕定係你買個係A貨呀？拿，我呢道有個“超A”呀，你睇下，用料手工都好D，不過要加一舊水 (我心中一怔)

友人﹕唔係掛，我都係換番第二個catalog有既款。以前有A、B、C貨，而加有“超A”添呀。

伙記﹕係呀，見你咁熟，俾個水貨你睇下，手工用料同真既一模一樣，有埋?把架，不過補多二舊半先得。(我心中再一怔)

(按﹕大家不要以為他所指的“水貨”是託人由外地直接帶回的那一種，只是一種我稱之為“超超A”的仿真貨色)

友人﹕唔係掛老細，平時同你買咁多你要我二舊半？我最多俾多一舊。

(經過一場討價還價之後……)

伙記﹕殺你，第二個都無咁平架，見係你……哈哈

或者是我大驚小怪，區區小事，很多人已見怪不怪。但最令我最驚歎的，莫過於我們祖國的“高增值”商人把這東西也分了級別，看來我們偉大祖國的質檢總局要開始為假貨訂立評級標準了。